Eleminimi i ushqyerjes me gji gjatë natës

Pyetja më e shpeshtë që me bëni është rreth pakësimit të ushqyerjes gjatë natës. Siari ka ndaluar se ushqyeri gjatë natës kur ishte 9 muaj. Pesha e tij ishte e mirë dhe ai mund të flinte gjatë gjithë natës pa pire qumësht sipas mjekut. Një ditë kur e ndjeva veten gati vendosa që të ndërprisja ushqyerjen gjatë natës.  Nuk ishte shumë e vështirë sepse ai pinte 1 herë gjatë natës pasi e kisha pakësuar në mënyrë graduale duke nisur nga muaji I gjashtë. Por gjithsesi ajo që është më e rëndësishme është që ju të ndiheni gati dhe mjeku të japë konfirmimin e tij se fëmija mund edhe të flejë gjatë  gjithë natës pa patur nevojë për tu ushqyer.

Ja cilat janë dy mënyrat që mund të përdorësh për të eleminuar ushqyerjen gjatë natës.

Ushqeje më pak minuta se zakonisht.

Ulni gradualisht sasinë e kohës që fëmija pi gji me nga një minutë çdo një ose dy netë. Për shembull, nëse fëmija juaj ushqehet 12 minuta nga secila anë (për gjithsej 24 minuta), filloni ta zvogëloni kohën e tij me një minutë çdo natë.

Natën e dytë ose të tretë do ta ushqeni atë vetëm 11 minuta nga secila anë, 10 minuta natën e tretë / të katërt, nëntë minuta natën e katërt / të pestë, etj.

Kur fëmija juaj të ushqehet 2-3 minuta, ai mund të ndalojë vetë zgjimin gjatë natës por nësë vazhdon ende të zgjohet atëherë duhe të zgjidhni një metodë dhe të filloni ta trajnoni atë që të mësojë të rikthehet në gjumë pa ndihmën  e gjirit. Mund të zgjidhni një metodë që është e përshtatshme për ju dhe fëmijen tuaj.

Ndalim i menjëhershëm

Nëse fëmija juaj vazhdon ende të ushqehet 2-3 herë gjatë natës dhe ju e dini se nuk  I ka me te nevojshme atëherë mund të bëni ndërprerjen e menjëhershme të ushqyerjes gjatë natës.  Do ti duhen 3 dite fëmijës tuaj të mësohet  me idenë se nuk duhet të ushqehet gjatë natës. Ju do të vëreni se do të hajë më mirë gjatë ditës dhe do të plotësoje nevojat që ka për ushqim.