Si të qetësojmë bebin që qan sapo hyn në dhomë?

“Bebi qan sapo hyn në dhomë”
“Mos ka frikë krevatin?”
“Mos më është trembur?”

Nëse kjo situatë të ka ndodhur dua të dish që është shumë normale si fillim. Kush është ai beb që do të lërë lojrat për të fjetur? Protesta tregon se e di që aty flihet gjumë. dhe nuk është gati të lerë lojën per të fjetur gjumë. Fundja për ta lojrat janë më argëtuese se gjumi dhe I mirëkuptojmë.

Por kjo mund të ndryshojë nëse ju nuk e përdorni dhomën e gjumit vetëm për këtë qëllim por edhe argëtoheni aty

Bebat tuaj qëndrojnë me qejf në sallon se aty luhet e kërcehet, qëndrojnë qetë në dhomën tuaj se aty bën rutinën e argëtohet me prindërit. Por në dhomën apo krevatin e tij i duhet të ndahet nga mami dhe të flejë.

Atëherë le ta bëjmë këtë ambjent argëtues gjithashtu:

– ofroni lodra në krevat gjatë ditës dhe bëjani ambjentin e gjumit më familjare. Lejojeni të qëndrojë në shtratin e tij gjatë ditës dhe lejojeni të luajë në të duke bvendosur disa nga lodrat e tij të preferuara.

– kërceni bashkë: Fëmija juaj do ta pëlqejë lëvizjen qetësuese dhe ritmike të kërcimit, do të relaksohet dhe humori I tij do të ndryshojë për mirë.

-lexoni, përqafohuni, luani kukafshehti që bebi juaj të argëtohet aty. Dhoma e gjumit nuk do jetë më një vend i frikshëm por një vend në të cilin jo vetëm fle gjumë por edhe argëtohet, përkëdhelet me mamin dhe kalon një kohë argëtuese

Si të qetësojmë bebin që qan sapo hyn në dhomë?