Është normale që fëmija të zgjohet natën?

blank

Është normale që fëmija të zgjohet natën?

blank

E para duhet të jemi të qartë që është shumë normale që bebat të zgjohen natën.

Në fillim nga uria e më pas mund të ndodh që të kenë nevojë për kontaktin tuaj me gji, prekje apo këngë për tu rikthyer në gjumë ndaj zgjohen.
➡Bebat e porsalindur ushqehen shpesh gjatë natës. Ju lutem mos prisni që ata të rikthehen vetë në gjumë dhe të mos pijnë natën. Janë ende të vegjël.
➡AAP thotë se është në rregull që një ushqyerje natën të zgjasë deri në muajin e 12-të.
➡Po ashtu thotë se bebat 4-5 muaj nëse zhvillohen si duhet e kanë aftësinë të kalojnë natën edhe me 1-2 ushqyerje dhe pas muajit te 6-të me një ose asnjë. Pra bebat mund të flenë edhe kështu.
➡Pas muajit të 12-të nuk rekomandohet më ushqyerja gjatë natës, madje AAP ngulmon në ndalimin e saj për shkak të ndikimit në prishjen e dhëmbëve, një stomaku të rënduar e një gjumi jo të qetë.


E nëse bebi juaj nuk është në asnjë nga këto statistika, është ne rregull. Nuk ka diçka që nuk funksionon me të.

Me shumë gjasa në netët e vështira kur është zgjuar shumë shpesh natën ju i keni ofruar gjirin ose beberonin dhe tashmë i duket sikur nuk fle dot pa të dhe zgjohet shpesh. Ose mbase i keni ofruar krahun tuaj që është shumë mire por tashmë sapo e gjen veten ne krevat do të vijë ne krahun tuaj.

Gjithsesi ushqyerjet e tepërta natën sjellin:

  • ç’rregullim gjumi
  • ç’rregullim ushqyerje ditën
  • prishje të dhëmbëve
  • tepër grindje ditën

Është shumë normale dhe shumica e bebeve zgjohen gjatë natës për arsye të ndryshme. Ka disa veprime standarte dhe të nevojshme të bëhen para se të vendosësh fëmijën në shtrat te cilat janë, të sigurohesh që është ushqyer mjaftueshëm, qe pelena e tyre është e pastër dhe e thatë.

Merrni programin e pakësimit gradual të ushqyerjes gjatë natës dhe eleminimin e zgjimeve të shpeshta. Kliko këtu

Rutina Çelësi i një gjumi të mirë

blank

Rutina

Çelësi i një gjumi të mirë

Përse është kaq shumë e nevojshme që fëmija im të ketë një rutinë?

Dhe përgjigjia është: – Sepse do flejë shumë më mirë sesa fle nëse ende nuk keni krijuar një rutinë të mirë. Nëse dëshironi që fëmija juaj të mos kubdërshtojl pafund orarin e gjumit dhe për ta bërë më të lehtë këtë proçes iu duhet një rutinë shumë e plotë dhe e rregullt çdo ditë. Është aq e rëndësishme sa quhet dhe “ themeli i një gjumi të mirë”.

Por ç’farë është rutina? Rutina është, kryerja e veprimeve të njëjta dhe në të njëjtën radhë përpara gjumit, veprime të cilat do ta qetësojnë bebin tuaj dhe do ta ndihmojnë të flejë më qetë. Bebeve u pëlqen rutina dhe iu pëlqen të dinë se çfarë do të ndodhë në vijim. Për shembull: nëse ju vishni pizhamat, lexoni një libër, fikni dritën atëherë bebi e di se ka ardhur koha e gjumit dhe do ta mirëpresë atë.

Dhe përse na shërben ajo?

1. I bën fëmijët të dihen të sigurtë. 

2. Ndihmon në emocional, dhe social . 

3. I ndihmojnë të flejnë më mirë. 

4. Redukton ankthin

5. Ndihmon për fëmijën të fitojë pavarësinë e tij.

 

Bëjeni rutinën çdo ditë në mbrëmje në dhomë, 30 minuta përpara gjumit.

•Shmangni pajisjet elektronike, minimuni 1 orë përpara rutinës.

blank

A është e njëjtë për çdo moshë?

Jo, rutinat nuk janë të njëjta për çdo moshë. Po ju jap disa shembuj për secilën moshë

blank

A është problem nëse nuk e laj çdo ditë?

Jo aspak, larjen e plotë mund ta zëvëndësosh me larjen e pjesës së poshtme të trupit.

A është problem nëse ka ditë që nuk e bëj rutinën të plotë?

Mundet, kur jeni jashtë shtëpie  ose me nxitim të shkurtoni rutinën tuaj. Bebi juaj do e ndjejë gjithsesi që ka ardhur momenti I gjumit.

A zgjidh rutina zgjimet gjate nates?

Rutina
përpara gjumit ndikon pozitivisht në cilësinë e gjumit të fëmijës. Por ajo nuk
zgjidh te gjitha arsyet se përse bebi juaj zgjohet natën. Ne mund t’ju
ndihmojmë me programet tona. Kliko ketu

A trashëgohet pagjumësia?

blank

A trashëgohet pagjumësia?

Nëse dhe ti ia ke bërë të paktën njëherë vetes këtë pyetje, tani është koha të marrësh përgjigje!
Po! Nëse një nga prindërit ka vuajtur më herët nga pagjumësia, kemi 30% mundësi që dhe fëmija yt ta trashëgojë.

Një nga sfidat që ne prindërit hasim dhe do vazhdojmë të hasim është që ti japim fëmijës një gjumë të qetë, të shëndetshëm dhe të plotë. Kjo mund të mos jetë gjithmonë e lehtë aq më tepër pasi kur fëmija nuk arrin të flejë gjatë natës, edhe ne prindërit nuk arrijmë të marrim të gjithë energjinë e duhur që na duhet, por me informacionin e duhur që ne marrim nga burimet përreth mund të na e lehtësojnë sadopak këtë proçes.

Një studim i bërë në vitin 2015 nga Instituti i Virxhinias për Gjentikën Psikiatrike dhe të Sjelljes vlerësuan se shanset e trashëgimisë së pagjumësise tek femrat është rreth 59% ndërsa tek meshkujt 38%, ky rezultat i krahasimit te simptomave te pagjumësisë tek binjakët identikë dhe jo identikë.

 
Simptomat e pagjumësisë mund të përfshijnë:
 
• refuzimin për tu shtrirë.

• Gjume të shkurtra.
• Vështirësi për ta zënë gjumi.
• Zgjime të shpeshta.
• Vështirësi për tu rikthyer vetë në gjumë.
• Zgjime të hershme.
• Qëndrimi zgjuar me orë të tëra gjatë natës.

blank

Fatmirësisht në ditët e sotme pagjumësia është e trajtueshme dhe mund të zgjidhet fare lehtë. Ju nuk keni pse te kapeni pas faktit qe ju apo bashkëshorti keni patur probleme me gjumin dhe te pranoni faktin që edhe fëmıja juaj do ketë dhe të mos bëni diçka për të. Pra ju mund ta përmirësoni situaten shumë aq sa femija të flejë mjaft mirë. Fundja edhe fakti që ju apo bashkëshorti keni patur probleme me gjumin lidhet me faktin që nuk janë aplikuar elementët e mëposhtëm:
Pra me fëmijën tënd:

  • Fillo duke u siguruar që shtrati/dhoma e fëmijës tënd është e rehatshme dhe e përshtatur me normat e sigurisë.
  • Sigurohu që temperatura e dhomës është e përshtatshme (as e nxehtë/as e ftohtë).
  • Shmangni ushqimet e rënda/me sheqer përpara gjumit.
  • Dhoma e errët dhe rutina e gjumit është çelsi drejt një gjumi të mirë.
  • Kujdesni me ushyqerjen pa limit gjatë natës.

Jeta e një prindi nuk është e lehtë dhe ka ulje ngritjet e saj, por me informacionin e duhur dhe nëse merrni hapat e posaçme për ti paraprirë pagjumësise do të jeni në rrugën e duhur qe fëmija yt dhe vetë ti si prind të bëni një gjumë të shëndetshëm.


https://www.tesidea.com/blog/infant-insomnia-what-it-is-and-how-to-cope/
https://www.childrenshospital.org/conditions-and-treatments/conditions/i/insomnia/diagnosis-and-treatment