Dua ta nis këtë shkrim duke ndarë një histori personale. Një histori dhe nje kujtim emocionet e së cilës do ndihen përherë të gjalla në mëndjen dhe zemrën time. Siar ishte 2 vjec në momentin që filloi çerdhen dhe fillimi I saj ishte një ndryshim tepër I madh në rutinën tonë dhe për faktin që ai nuk ishte mësuar të rrinte kaq gjatë larg meje. Ja si e përjetuam ne atë ditë :

blank

" Sot u zgjuam si çdo ditë , mami po fliste më shumë se ditët e tjera sot . Fliste disa fjalë që unë nuk i dija " Kopshti , shokët , edukatorja " . Kuptova se do iknim diku . Ashtu ndodhi , me mamin dhe babin shkuam në një vend me mure të pikturuar . Mami po fliste me dikë dhe unë nxitova të futem brenda e të shoh . Uauu kishte shumë topa , makina , lodra , dhe dy shokë . Po vetëm pak qëndrova , 20 min . Mami më tha se do vij çdo ditë . Mendoj se do kënaqem . E di që mami ka pak emocione por unë nuk qava fare dhe më pëlqeu vendi dhe ajo ndihet shumë e lumtur . Më tha se nesër do më blejë dhe çantë . Shpresoj të mos jetë shumë e rëndë . Ku e mbaj dot unë! Më uroni fat në këtë vit shkollor .Është një vit i vështirë por unë dhe shokët e mi të vegjël i duam lodrat dhe shokët dhe do kënaqemi shumë atje . Dhe ju mama duhet të jeni të lumtura që ne po rritemi dhe të mos mërziteni fare . " ... nga Siar Ediz.

blank

Pra sado eksperiencë të kesh , rinisja e kopshtit dhe çerdhes , mbart emocione të reja! Dikush frikësohet, dikush është në ankth , dikush bën sikur se ka problem por i rreh zemra fort . Dhe nuk po flas për fëmijët . Po flas për ju mama ! Që e ndjeni më shumë se fëmijët këtë ndryshim në jeyën e tyre . Ok , tashmë u vendos . Do shkoj në kopësht / çerdhe .

Si duhet të veproj?

1. Shiko ambjentin ku do të flejë fëmija. Shiko nëse mund të bësh ndonjë ndryshim krevati, pozicioni, që të përshtatet me mirë me atë që fëmija është mësuar .

2. Pyeti sesi është sasia e dritës gjatë gjumit. A mund ta errësojnë ?

3. Pyeti nëse munden fëmijët të mbajnë pellusha gjumi , batanije të preferuar në krevatin e tyre.

4. Pyeti nëse lejohet veshja e thesit të gjumit (nëse në shtëpi e vesh).

5. Nëse fëmija fle me zhurmë të bardhë , pyeti nëse është e mundur t'ja vendosin ato.

6. Nëse fëmija ka një rutinë të thjeshtë ( nderro pelenen- lexim i shpejte- perqafim- vendosje ne krevat ) , pyeti nëse mund ta aplikojnë . Kjo do tja bëj me te lehtë fëmijës vendosjen në gjumë .

7. Nëse fëmija ende nuk është gati për një gjumë , pyeti nëse mund ta dergojnë në një dhomë më vete të flejë pak më herët se të tjerët . Dhe mos harro ta pyesësh sesa minuta fjeti , kështu do llogarisësh se kur do fillosh rutinën në mbrëmje .

Mos hezitoni ti bëni këto pyetje , fëmija vet nuk mundet ti bëjë . Ju jeni mbështetja e tij . Nëse të gjitha këto pyetje marrin përgjigje negative , mos u shqetëso , do të mësohet. Eduaktoret në çerdhe / kopësht janë të detyruara të mbajnë dritën ndezur dhe të mos lejojnë shumë objekte në krevatin e fëmijës për arsye sigurie . Në kopësht fëmijët do krijojnë një rutinë të re , do të kenë rregulla të reja . Por , kjo nuk do të thotë se ju duhet të ndryshoni gjithë rregullat e gjumit që keni vendosur për t'ju përshtatur kopshtit . Atje zbatohen rregullat e edukatores , në shtëpi të mamit . Sa më pak ndryshime bëjmë mënyrën flenë gjatë mbrëmjes , aq më të lehtë do ta kenë fëmijët ta përballojnë gjithë këtë ndryshim . Madje fundjavave edhe gjatë ditës zbatoni rregullat tuaja . Mos mendoni se do bëhen konfuzë . Do mësohen me idenë se dy vende të ndryshme kane rregulla të ndryshme . Do të bëhen më tepër konfuzë nëse edhe ju ndryshoni rregullat tuaja të vendosura prej disa muajsh . Mund t'ju duket interesante por ka fëmijë që në kopësht flenë vetë e në shtëpi kanë varësi nga gjiri , tundja , beberoni etj

blank

Problemet më të shpeshta që ndodhin me gjumin në kopësht janë :

1. Gjumi i shkurtër Ndodh për shkak të ndryshimit të dritës , zhurmës , krevatit , nevojën për praninë e nënës . Zgjidhja : Vendoseni në gjumë në mbrëmje më herët se zakonisht ( 30 min - 1 orë më herët ) . Kjo do të shmangë lodhjen e tepërt dhe do ti sigurojë një gjumë më të gjatë natës

2. Gjumi më i gjatë se normalisht Një gjumë i tejzgjatur ditën , do të thotë më pak gjumë natën dhe shtyrje e orarit të gjumit në mbrëmje . Zgjidhja : Mos hezitoni të bisedoni me edukatoren dhe ti tregoni se sa orë duhet të flejë fëmija juaj . ~ Kalimi në një gjumë gjatë ditës kur fëmija nuk është ende gati

Meqënëse në disa çerdhe / kopshte aplikohet vetëm një orar gjumi , fëmijët që flenë 2 gjume mund ti gjejë të papërgatitur . Tejlodhja ditën sjell një gjumë jo të mirë natën . Zgjidhja : Vendoseni në mbrëmje të flejë më herët gjumë ( 30min - 1 orë më herët ) Bisedoni me edukatoren rreth mundësisë për ta dërguar në dhomën e gjumit paradite për të fjetur disa minuta . Gjumi i natës është shumë i rëndësishëm dhe i ndryshëm nga ai i ditës . Fëmija juaj po kalon shumë ndryshime , nëse përpiqemi ti ruajmë gjumin e mbrmëmjes të plotë , të shëndetshëm do t'ja bëjmë më të lehtë atij për të përballuar ditën .

Recommended Posts

No comment yet, add your voice below!


Add a Comment

Adresa juaj email s’do të bëhet publike. Fushat e domosdoshme janë shënuar me një *